Nagakinahang-ean ro Israel it mas maabong Overseas Filipino Workers (OFWs) sa Israel sa pihak it nagakatabong giyera idto.
Suno kay Israeli Ambassador Ilan Fluss, kapin sa 800 halin sa 28,000 OFWs sa Israel ro na-repatriate matapos nga makumpleto ro andang mga kontrata.
Angot kara, nagakinahang-ean it libu-libong trabahante ro Israel.
May mga trabahador sigon sandang gindeploy halin sa India, Sri Lanka ag Thailand apang uwa it OFWs nga nagaadto sa Israel sa makaron.
Nauna eon nga ginbawae it gobyerno it Pilipinas ro deployment it OFWs sa Israel bangud eon man sa natabong giyera ko October 7.
Nagpanindugan ro Israeli envoy nga maayos ro tanan sa Israel maging ro mga restaurant, hotel ag cinema hay nagbukas eon.
Kamana man, bukas eon ro Tel Aviv, Jerusalem Haifa ag iba pang tourist destination para sa mga bisita.
