Naglunsar ro Israel it serye it air strikes kontra sa Iran bilang sabat sa mga missile attacks it Tehran ko unang dominggo it presenteng buean.
Suno sa Israel Defense Forces (IDF), ginpunterya it mga eroplano it Israel ro mga military sites kaparehas it air defense batteries ag mga pasilidad sa paghimo it missile ag gindeklara nanda nga “tapos eon” ro operasyon.
Daywang soldado it Iran ro namatay sa mga pag-atake maskin may mga report nga bukon it mabahoe ro halit nga daea kara.
Samtang, ginpahayag it Iranian Foreign Ministry nga may responsibilidad sandang depensahan ro andang kaugalingon apang ginakilaea man ro andang papel sa kalinungan ag seguridad sa rehiyon, sangka pahayag nga ginakabig nga may kagustuhan nga magpakalma.
Nag-anunsyo ro Israeli Defense Forces it operasyon ko adlaw it Sabado matapos ro mga pagsabog sa Iran, kon sa siin ginpahayag ni Rear Admiral Daniel Hagari nga haom ro Israel nga depensahan ro estado kara ag nagtao it paandam nga kon mag-umpisa it panibag-ong tensyon ro Iran, mapilitan ro Israel nga sumabat.
