KALIBO, Aklan — Nagpangayu it bulig sa mga pulis ro sangka Israeli tourist matapos nga gin takawan sigon it sangkacommercial sex worker pagkatapos nga maghieawas sa frontbeach sa isla it Boracay.
Gin kilaea ro biktimang si Ilay Nir, 23, taga-Israel ag naga bakasyon eamang sa isla.
Base sa pahayag it biktima sa Boracay Tourist Assistance Center (BTAC), samtang nga sa frontbeach hay gin tanyag it hingalit nga kalipay it suspek nga gin kilaeang si “Joy” nga taga-Nueva Ecija ag temporaryong naga estar sa Boracay.
Insigida sigon karang sinunggaban ro tanyag it babaye ag nagpanago sa madueom nga portion it frontbeach.
Kat matapos hay gin sukot sigon imaw it babaye ag kat owa it maitau nga kwarta sa pag eaum nga libre, gulpi eon lang sigon nga gin bo-oe it suspek ro anang maeahaeong cellphone.
Gin pahayag pa it turista nga owa eagi kara naeagas ro babaye bangud sa indi makita ro anang underwear.
Samtang, natunton man ro pagpaeagyu konta it suspek sa Cagban port nga patawid sa mainland Malay sa bulig it GPS ag nabawi kana ro gin panakaw nga cellphone.
Owa eonman nagpasaka it kaso ro biktima bangud sa pagpakitluoy it suspek.
