KALIBO, Aklan—Ginpaathag it sangka batikan nga abugado sa probinsya it Aklan nga si Atty. Plaridel Morania nga dapat hay gina-istoryahan mismo it Commission on Election ukon Comelec sa sueod it andang taeatapan ro may kaangtanan sa isyu nanday Comelec Commissioner Rowena Guanzon ag Commissioner Aimee Ferolino.
Suno kay Atty. Morania nga dapat makaangkon it ekslusibong pag-istorya ro mga imbolbado ag likawan anay ro pagbulgar sa puliko.
Madumduman nga ginpahayag ni Guanzon nga anang igapadayun ro pagdihon it impeachment complain kontra kay Ferolino bangud sa sigon hay pageabag sa Anti-Graft and Corrupt Practices Act matapos ro natabong pagkadelay sa desisyon sa consolidated disqualification case kontra sa presidential aspirant nga si Ferdinand “Bongbong” Marcos Jr.
Dugang pa kara nga engkasong magdaog si Marcos sa eleksiyon ag magguwa nga maabo ro nagboto kana agud nga madiskwalipika hay magiging owa it huyap ro anang pagdaog ag posibleng magsaka bilang Presidente ro magadaog nga bise- Presidente.
