Posible nga maistoryahan it mga nation leader nga kaeakip sa G7 ro isyu sa West Philippine Sea.
Raya ro naging panan-awan ni Bombo International Correspondent Josel Palma it Tokyo, Japan kasunod sa nagapadayon nga summit sa Horishima sa nasambit nga nasyon.
Ginpaathag nga sa pagpanguna ni Prime Minister Fumiya Kishida hay nagtanyag raya it 4 bilyon dollars in loan sa alliance nation agud nga masolusyunan ro isyu sa ginaagawan nga kaeawran.
Bukon sigon it maeayo nga matalakay raya sa plenaryo bangud nga nagapanguna raya nga concerned it mga nasyon nga naga-claim it pagpanag-iya sa ginaagawan nga teritoryo.
Samtang, nasayuran nga nagkasugot ro Group of Seven(G7) leaders it G7 Summit sa panibag-ong inisyatibo para suk-ean ro economic coercion.
Gintawag it G7 leaders ro nasambitang inisyatibo nga Coordination Platform on Economic Coercion nga pagagamiton bilang early warning ag rapid informtion sharing sa economic coercion kaakibat it regular nga pagpueong it mga miyembro para sa konsultasyon.
