Nagtaliwan eon sa pihak nga kinabuhi ro Italian actress nga si Gina Lollobrigida sa edad nga 95.
Suno sa pamilya karanga bangud sa sa kumplikasyon sa sakit ag edad rason nga namatay imaw sa sangka clinic sa Rome.
Sambilog sa pinakasikat sa European cinema ro actress ko dekada 50 ag 60.
Ginakabig man imaw bilang pinakagwapang babaye sa bilog nga kalibutan kung siin bumida imaw sa pilang mga pelikula kapareho it “Beat the Devil”, “The Hunchback of Notre Dame” ag “Crossed Sword”.
Naduea ro anang acting career ko 1960 kat magsueod imaw sa photography ag pulitika.
Gin-unga ro actress ko July 4, 1927 ag nagtuon it sculpture sa Academy of Fine Arts it Roma.
Gintanyagan imaw it sangka talent scout nga mag-audition sa Cinecitta ro pinakamabahoe nga film studio kato sa Europa ag idtu eon nag-umpisa ro anang makulay nga acting career.
