KALIBO, Aklan — Patay ro sangka turistang Italyano mataoos atakihon sa tagipuso-on samtang nagabakasyon sa isla it Boracay.
Gin kilaea ro biktimang si Francesco Masaaro, 52, taga-Italy ag temporaryong naga estar sa sangka hotel sa Barangay Yapak.
Gin padangat pa raya sa sangka klinika sa isla apang, gin deklarang patay eon kat makaabot sa gin sayluhang pribadong ospital sa banwa it Kalibo bangud sa acute cardiorespiratory arrest.
Base sa police report it Boracay Tourist Assistance Center (BTAC), natabo ro insidente sa sa sueod it hotel room it turista kun siin samtang naga pahuway hay nagreklamo raya it paggutok it dughan sa anang kaibahan.
Insigida nga nagtabang ro hotel staff ag gin daea raya sa klinika apang, sa pag-transport kana sa ospital sa Kalibo hay owa eon raya nakaabot nga buhi.
Samtang, gin pahisayod eonman it kapulisan sa Italian Embassy ro natabo sa turista.
