Jacket nga ginsuksok it astronaut nga si Buzz Aldrin nabaligya it kapin sa   $2.7-M

Natigayon nga mabaligya  sa auction it masobra  $2,772,500 ro jacket nga ginsuksok ni retired astronaut Buzz Aldrin.

Suno sa Sotheby auction sa New York, ro in-flight coverall jacket hay may naka-emblem nga Apollo 11 mission ag letrang “E” Aldrin nga insiyal it anang minatuod nga  pangaean nga si Edwin.

Sangka  fireproof sigon raya ag himu sa silica fiber nga ginatawag nga Beta Cloth ag ginamit sa paghimu it Apollo spaceflight suits.

Samtang ginakabig nga raya ro pinakamahae nga jacket nga ginbaligya sa auction bangud sa kahaegahan kara nga nakaeupad paagto sa  kahawaan.

Naka-display man sa Smithsonian National Air and Space Museum sa Washington D.C. ro jacket nga suksok it kapareho karang  astronaut nga sin Neil Armstrong ag Michael Collins.