Bangud sa pagbag-o it mga sueondanan, aminado ro Bureau of Customs (BOC) nga napas-eawan sandang maabot ro andang target nga kabilugang koleksyon para sa unang siyam nga buean it 2024.
Base sa datos, halin Enero hasta Setyembre makaron nga dag-on, ginpahayag it BOC nga nakakolekta raya it P690.842 bilyon pesos nga kita.
Maskin nga raya hay nagapaidaeom sa 4.61% nga pag-umwad ukon P30.454 bilyon pesos nga pagtaas kumpara sa P660.388 bilyon pesos nga nakolekta sa parehong tyempo ko nagtaliwan nga dag-on, ginpahayag it BOC nga ro ulihing koleksyon it kita hay nagnaba it 0.44% halin sa target kara.
Nasayuran nga ro Development Budget Coordination Committee (DBCC) hay nagtaeana it P693.888 bilyon pesos nga target halin Enero hasta Setyembre 2024 nga ro buot hambaeon, ro P690.842 bilyon pesos nga koleksyon hay mas manaba it P3.046 bilyon pesos kaysa sa katuyuan.
Ginpahayag it bureau nga ginpaeapad it EO 62 ro zero-import nga obligasyon sa idaeom it EO 12 agud ieakip ro mga battery electric vehicles (BEVs), hybrid electric vehicles (HEVs), plug-in HEVs, ag mga partikular nga bahin nga umabot sa dugang nga pagkaduea it kita nga P2.901 bilyon pesos.
