-- ADVERTISEMENT --
Gin-insister it beteranang aktres ag host nga si Janice de Belen nga indi eon imaw uman nga magatrabaho kaibahan ro dating asawa nga si John Estrada.
Raya hay matapos pangutan-on it anang unga si Kaila sa sangka mother’s day episode kung posible pa baea nga mag-iba sa sangka proyekto ro anang mga ginikanan.
Suno kay Janice, bukas imaw nga makatrabaho ro dating karelasyon nga si Aga Mulach apang sarado eon ro anang purtahan para kay John.
Raya hay bangud nga naging mag-asawa sanda ni John ag ro mga bagay nga andang ginadiskusyunan kato hay bukon it maisot nga nagtuga it eubusan nanda nga pagbueag.
Apang, ginklaro ni Janice nga nagapabilin nga civil ro relasyon nanda it dating asawa.
-- ADVERTISEMENT --
