KALIBO, Aklan–Nagapati ro sangka football enthusiasts nga siguradong magapakitang gilas ro daywang nasyon halin sa Asia Football Confederation nga Japan ag South Korea matapos nga ma-qualify sa round of 16 it FIFA World Cup 2022.
Suno kay Kyle Justin Marcelino, sangka player ag coach it football sa probinsiya it Aklan nga owa ginaeauman ro andang pagsueod sa knockout stages nga makabig nga kauna-unahan sa kasaysayan it FIFA.
Mabahoe man suno kana ro posibilidad nga magasaka ro andang world rankings.
Samtang, kaabuan man suno kana sa predictions it mga football experts antes ro pag-umpisa it world cup hay nagkasaea matapos nga pila sa mga ginakabig nga powerhouse teams hay natagak sa round of 16 .
Haeos unexpected nga mga teams ro nagdaea-og.
Nasayuran nga mag-eowas sa powerhouse nga France, Brazil, Portugal, Argentina, 12 nga iba pang teams ro nakasueod sa knockout stages.
