KALIBO, Aklan—Mas pang magapatuman it hugot nga pagsinueondan ro gobyerno sa nasyon nga Japan para sa pagahiwaton nga Tokyo Paralympics sa maabot nga Agosto 24 hasta Setyembre 5 it presenteng dag-on.
Suno kay Bombo International Correspondent Johnny Sato Gallos it Fuji City, Shizuoka Ken, Japan nga grabe nga preparasyon ro pagahimuon sa Tokyo, Japan mas kapin ag ro mga magapartisipar sa paralympics hay ro mga dating batikan nga atletang nakaangkon it injury bangud sa andang paghampang.
Sanda man ro mga ginakabig nga vulnerable sa Coronavirus Disease 2019 ukon COVID-19.
Samtang, ginpahayag man ni Gallos nga maskin owa pa it balita kung nakaabot eun ro mga atletang Pinoy sa mismong venue it hampang hay paniguradong nagapahaom eun ro mga raya.
May representante man sigon ro Pilipinas pag-abot sa para-athletics, para-power lifting, para-swimming ag para-taekwondo.
