KALIBO, Aklan–Posibleng maka-eksperyensya it power shortage ro Japan kasunod it pag-umpisa it summer season makaron nga buean it Hunyo.
Bangud kara, naghinyu ro Ministry of Economy, Trade and Industry sa publiko ag mga tag-ana it kompanya nga magtipid sa paggamit it kuryente umpisa alas-3:00 it hapon hasta alas-6:00 it gabi-i.
Suno kay Bombo International Correspondent Josel Palma nga ginakabaeak-an it gobyerno ro posibilidad it pag-angkon it 5 percent power shortage sa suplay it Tokyo Electric Power Company.
Sa pagsueod it tyempo it tag-init, ginaeauman eon ro mataas nga demand sa kuryente.
Ko dominggo suno kana hay kapin sa 46 nga mga indibidwal ro gindaea sa ospital matapos nga makaangkon it sintomas it heat stroke.
Samtang, sangka 90 anyos man nga eaeaki ro nawad-an it alintro sa sueod it kwarto nga owa it aircon ro gindaea sa ospital ag namatay.
