Ginpatumba ni Japanese boxing superstar Naoya Inoue si Paul Butler sa andang hampang nga ginhiwat sa Ariake Arena sa Koto-Ku, Japan.
Sa umpisa pa eamang it unang round hay ginpaueanan eon ni Inoue it inumok ro anang ka-engkwentro.
Nagpadayun sa pagbuhi ro Japanese boxing star it body shots ag top punches kontra sa English boxer hasta pag-abot it round 11 kat ginpapundo eon it referee ro hampang.
Bangud sa kadaeag-an hay naging unang undisputed bantamweight champion si Inoue.
May una eon imaw nga WBC, WBA, WBO ag IBF bantamweight world champions si Inoue nga imaw ro unang Japanese boxer sa kasaysayan nga makaangkon it ap-at nga titulo halin sa major sanctioning body.
May una eon imaw nga record nga 24 daog, owa it piyerdi ag may 21 knockouts samtang si Butler hay bumagsak ro record sa 34 daog, tatlong piyerdi ag may 15 knockouts.
