KALIBO, Aklan — Ninahan ro sangka Japanese kitesurfer matapos madikitan it jellyfish ukon dikya samtang nagasabak sa sangka international kitesurfing competition sa Bulabog beach sa isla it Boracay.
Ginkumpirma ni Marsh Gersbach, chief judge sa kompetisyon ro insidente.
Ro Hapon nga uwa eon ginpangaeanan hay sambilog sigon sa 67 partisipante sa Boracay leg it international kiteboarding association.
Ginpahayag pa ni Gersbach nga kaeabanang nakikitang paeotaw-eotaw sa tubi ro dikya nga nakasanayan eon it mga kitesurfers sa lugar.
Uwa man sigon naapuruhan it husto ro butkon it Japanese national nga insigidang gintaw-an it paunang medikasyon it mga nakabantay nga miyembro it Boracay Fire and Rescue Ambulance Volunteers Incorporated.
Ginakabig ro mga buean it Abril ag Mayo bilang jellyfish season sa nasyon.
