KALIBO, Aklan–Gina-engganyo makarun it JCI-Aklan Kalantaio ro mga pomoeuyo nga naga edad 18 hasta 40 anyos nga magpartisipar sa andang ginahiwat aktibidadis.
Suno kay Mr. Jonell Gregorio, EVP for External it JCI-Aklan nga bukas ro andang taeatapan partikular sa mga youth leader, estudyante, ag mga young professional nga gustong mas madugangan ro andang nasayuran angot sa andang ginpili nga field.
Ro sin-o man nga gustong magpasakop sa andang organisasyon hay puweding magpaabot it mensahe sa andang facebook page nga JCI-Aklan Kalantaio.
Samtang, ginpahayag man ni Ms. Yhen Illavera, VP for Community it JCI-Aklan Kalantiao nga mabahoe nga opurtunidad para sa mga pamatan-on ro andang aktibidad nga ginapatigayon agud mas mapaeapad pa ro kaaeam ag abilidad it mga pamatan-on.
Nasayuran nga makarun hay ginaselebrar ro JCI-Aklan Kalantiao Week kun sa siin pila eamang sa andang mga aktibidadis hay ro ‘ Buidling together, stronger together’; JCI strength setter; #Ambagko.rehistro.boto; After 5 in area 5; A call to lead ag Pami abe abe.
