Maskin presente pang nagarekober sa sangka left ACL injury hay ginpapirma gihapon it Magnolia si PBA Season 49 Rookie Draft No. 9 overall pick Jerom Lastimosa sa sangka three-year rookie contract.
Uwa pa nagapasakop sa ensayo it Hotshots ro tubong Dumaguete, Negros Oriental bangud sa anang injury nga naangkon ko Oktubre 2023 sa UAAP Season 86.
Kaparehas it dating Adamson Soaring Falcons star guard, ginbuoe man sanday Jeremiah Gray ag Luis Villegas it Terrafirma ag Rain or Shine.
Sa anang pagpamayad sa ACL injury hay ginaeauman nga makabulig si Lastimosa ni veteran playmaker Mark Barroca sa backcourt it Magnolia.
Raya hay matapos nga ginbuhian it Hotshots sanday guard Jio Jalalon kaibahan si forward Abu Tratter sa NorthPort kabaylo ni sophomore big man Zavier Lucero.
