Nakuhit ni Emmanuel “Jimuel” Pacquiao Jr. ro unang pagdaog sa Professional Boxing matapos ma-knockout sa ikaywang round pa eamang ro American fighter nga si Darrick Gates sa 4-round lightweight fight, adlaw it Sabado sa Pechanga Resort and Casino sa California, USA.
Matapos ro sangka dukot nga unang round, insigidang umatake si Pacquiao sa ikaywang round.
Nakakonekta imaw it sunod-sunod nga tueop nga gintapos it sangka hook, rason agud nga matumba si Gates.
Si Gates, nga sangka bare-knuckle fighter hay nakabangon pa antes matapos ro 10-count it referee, apang uman imaw nga napatumba sa sangka body shot.
Sa nasambit nga kahigayunan, ginpundo eon it referee ro hampang matapos ro sang minuto ag 34 segundos it ikaywang round ag gindeklarang daog via Technical Knockout (TKO) si Jimuel Pacquiao.
Sa makaron, may ginabuytan nga record ro batang Pacquiao nga 1 win-0 loss-1 draw.
