Jiu Jitsu champion sa Brazil nga si Leandro Lo patay matapos barilon

Patay matapos nga barilon ro sikat nga Jiu Jitsu champion it Brazil nga si Leandro Lo.

Suno sa mga kapulisan it Sao Paulo, natabo ro pagpamaril sa 33-anyos nga si Lo sa sangka night club sa Saude.

Sangka off-duty sigon nga pulis ro nakabaril sa ueo it biktima nga madasig nga nagpaeawig matapos ro insidente.

Gindaea pa sa ospital ro biktima apang owa eon naagapan pa.

Ginakabig nga pinakamayad nga Jiu Jitsu athletes si Lo nga nagdaog it waeong beses it World Championships.

Base sa mga nakakita it insidente, gin-eapitan it suspek ro biktimang si Leandro Lo Pereira do Nascimento ag ginhangkat hasta nga gulpi raya ga ginbaril sa ueo.