KALIBO, Aklan–Eubos ro kalipay nga nabatyagan ni John Marlou Salido matapos nga mapalian bilang sambilog sa napueong recipients it Democracy Grant of the United States Agency for International Development and The Asia Foundation nga naga-balor it P250,000.
Bangud kara, mataw-an sigon it kahigayunan ro anang organisasyon partikular ro Project Kalibo nga mag-umpisa it LOVE Project: LOan to saVE.
Sa rayang proyekto, nagaeaum sanda nga maging madali ro pagpa-loan sa mga young indigent micro-entrepreneurs.
Target sigon nanda nga maka-usoy it 25 ka mga benepisyaryo eabi eon ro mga pamatan-on nga may negosyo sa sueod it Kalibo Public Market.
Ginpahayag pa kara nga naga-tanyag sanda it zero interest/collateral free loan kamana man nga gina-engganyo ro mga benepisaryo nga magtipon.
Mabahoe man ro pagpasaeamat ni Salido sa YouthLED para sa manami nga oportunidad.
Ginpromisa man kara nga pagahimuon nana ro anang masarangan para mataw-an it katumanan ro katuyuan nga makabilog it financially secured community.
Sambilog sigon sa mandato kanda hay dapat magkriar it proyekto nga may impact sa komunidad.
