Madinaeag-on nga ginpatigayon it mga tropang suldado it Pilipinas ag Amerika ro joint air assault training bilang parte it nagapadayon nga Salaknib Phase 2 nga ginahiwat sa Cagayan North International Airport.
Kaibahan sa pag-ensayo ro mga tropa it Pilipinas halin sa 18th Scout Ranger Company ag ro andang US counterpart.
Suno kay Philippine Army spokesperson Col. Louie Dema-ala, nakapokus ro pagensayo sa pagpanami pa it joint operational capabilities ag rapid airfield security response.
Gamit ro CH47 ag Black Hawk helicopters, ginpatigayon it daywang pwersa ro pagplano it misyon, detalyadong rehearsals ag airfield security sa may Calayan Airstrip.
Dikara, natestingan ro real-time coordination, madasig nga deployment it mga tropang suldado, ag airfield security protocols. Nagresulta man raya sa madinaeag-on ag seamless security exercise
Suno kay Dema-ala, ginapakita it pagensayo ro nagapadayon nga pagtinguha it Philippine Army para pabaskugon pa ro international defense partnerships ag mapamayad pa ro andang kapasidad para solusynan ro mga malisod nga hangka sa seguridad.
Samtang, magabuhay pa ro Salaknib Phase 2 hasta sa Hulyo 20.
