Naging produktibo suno kay Aklan second district board member Jay Tejada ro ginpatigayon nga legislative inquiry kasunod it joint committee hearing nga ginakomponeran it committee on energy, committee on law rules and ordinances kamana man committee on public utilities angot sa apela it Aklan Electric Cooperative nga mag-imponer it kapin sa 10 porsyento nga surcharge sa mga member-consumer nga delay magbayad it andang obligasyon.
Ginpahayag dugang ni Tejada nga raya hay resolusyon nga ginduso it Akelco board of directors bangud nga nataeopangdan ko ulihi nga kapin sa 98 porsyento it mga konsumidor ro uwa nagabayad it electric bill sa eksaktong petsa nga gintaeana para kanda.
Bangud kara, delay man ro pagbayad it Akelco sa andang ginaboe-an it kuryente ag sanda ro nagapas-an it ginaimponer man nga penalidad.
Apang, depende pa sigon raya kon paga-aprubahan it Energy Regulatory Commission ukon ERC.
Nasayuran nga makaron nga adlaw it Sabado hay magapatigayon it annual assembly ro Akelco kon siin dikara man nanda igapresentar sa mga konsumidor ro ginaduso nga surcharges.
