KALIBO, Aklan — Uman nga ginpakita it ginbilog nga Joint Task Group Boracay ro andang kahauman sa mahimong matabo nga pagsalakay it mga terorista ag hostage taking sa isla.
Nakibahin sa simulation exercise nga ginpatigayon sa white beach sa guwa it sangka hotel ro pilang miyembro it Armed Forces of the Philippines, Philippine National Police, Philippine Navy, Philippine Coast Guard, Bureau of Fire Protection ag mga emergency responders kon sa siin ginpakita ro ikasarang it security ag emergency forces sa oras nga makaangkon it paeag.
Suno kay SPO1 Nida Gregas, tagapaghambae it Aklan Police Provincial Office (APPO) nga importanteng mahugtan ro security measures sa isla nga sambilog sa sikat nga tourist destination sa bilog nga kalibutan.
Mag-eowas sa Boracay, ginatutukan man it Joint Task Group ro kaeapit isla it Carabao sa Romblon ag Semirara sa Antique
