Ginsara it nasyon nga Jordan ro andang border sa Syria.
Ginhambae ni Interior minister Mazen al-Faraya nga ro tikang ngara hay para eun man sa andang kaeuwasan.
Ro Nassib crossing abi hay pangunang passenger ag commercial border crossing sa tunga it daywang nasyon.
Buyot abi makaron it Hayat Tahrir al-Sham (HTS), sangka Islamist militant group sa Syria ro ikaywang pinakamabahoe nga syudad nga Aleppo.
Nagapaeag ro nasambit nga grupo nga andang eusubon ro ibang bahin it Syria kapareho sa Damascus.
Matandaan nga ku Nobyembre 27 kat umpisahan it nasambit nga rebeldeng grupo ro andang pag-atake.
Ginpahayag it lider it grupo nga si Abu Mohammed al-Jolani nga ro katuyuan it andang pag-atake hay para daeayon nga mapahalin si Syrian President Bashar al-Assad.
Halin pa ku 2011 kat mag-umpisa ro civil war sa Syria matapos ro madugo nga pag-aresto ni Assad sa mga nagahimo it protesta.
