KALIBO, Aklan–Emosyunal nga nagpaathag sa Bombo Radyo Kalibo si Joshua Esmeralda, residente it Brgy. Estancia, Kalibo angot sa mga alegasyon nga ginahaboy kontra kana.
Raya hay matapos nga ireklamo imaw it pilang Overseas Filipino Workers (OFWs) ag taga-Metro Manila it pagpangloko pinaagi sa online games nga Axi Infinity ag ginabaligya nga produkto online.
Gin-insister ni Joshua nga indi nana pagdaeagnan ro anang obligasyon sa nasambit nga mga persona.
Apang, kinahang-ean sigon nana it bastante nga tyempo para mabayaran ro mga raya.
Gin-aku man kara nga naga-abot pa sa masobra P100,000 ro kinahang-ean nana nga bayaran.
Sambilog sigon sa mga rason it owa eagi nana pagbayad hay ro pagpakahuya kana online kung siin nadaeahig pa ro anang bilog nga pamilya.
Bangud sa hitabo, apektado eon sigon ro anang pagpangabuhi ag nawad-an pa imaw it trabaho.
Ginpahayag dugang nga medyo ginbue-an eon imaw it kinamatarong nga depensahan ro anang kaugalingon kamana man nga natapakan ro anang pagkatawo.
Naghinyu man raya sa publiko nga punduhon eon ro pag-comment it mga bukon it manami nga tinaga kontra kana kadungan it promisa nga paga-atubangon ro anang obligasyon.
