Joshua Garcia, uman nga nagpakilig sa Tiktok

Uman nga gin-istoryahan ro bag-ong video nga gin-post it aktor nga si Joshua Garcia sa social media platform nga Tiktok.

Raya hay matapos nga maghimo it dance cover si Joshua it “Thick fine woman,” it Chalie boy.

Nakahakot man it masobra 20 million views ro video it aktor sa sueod it sang adlaw.

Kinilig man ro mga netizen ag pilang social media stars ro napa-comment sa post ni Joshua.

Madumduman nga naging trending topic man ro aktor ko Disyembre matapos imaw nga kumasa sa “Ginseng strip 2002” challenge.

Sa makaron, may kapin sa 6.5 million followers eon si Joshua sa Tiktok.