Owa it kuskos-balungos nga gin-aprubahan it Senado ro judiciary budget para sa dag-ong 2023 nga pagakinahangeon it sangay it hudikatura it nasyon.
Raya hay matapos nga owa it mga senador ro gustong mag-interpellate sa budget it andang co-equal branch it gobyerno.
Kaibahan sa judiciary budget hay ro ginapangayo nga mga pondo para sa Supreme Court, lower courts, Presidential Electoral Tribunal, Sandiganbayan, Court of Appeals ag Court of Tax Appeals.
Suno kay Senate Committee of Finance chairman ag Sen. Sonny Angara nagabalor sa kapin P53.3-bilyong piso ro budget it hudikatura para sa masunod nga dag-on sa idaeom it committee report.
Dugang pa ni Angara, ro budget sigon it hudikatura hay sangkiri nga mas mataas kumpara sa P52.72-bilyon nga ginatugyan sa idaeom it National Expenditures Program (NEP).
Samtang sa sambilog pa nga budget hearing it plenaryo, ginkalitan ni Senator Risa Hontiveros ro kahigayunan para ibalik sa Philippine National Police angot sa hostage taking incident kay former Senator Leila de Lima ko nagtaliwan nga buean.
Ginkwestiyon it senadora kung paano sigon ro ginahimu nga seguridad sa sueod it bilangguan para malikawan sigon nga mauman pa ro natabong insidente.
Ginpunto ni Sen. Hontiveros nga ro hostage-taking hay nag-aywan it maabo nga pangutana eabi eon gid sa kaeuwasan ni De Lima sa loob ng PNP Custodial Center.
