Balitang Showbiz———Dream come true para kay Julie Ann San Jose ro pagbida kara sa sikat nga Times Square sa New York.
Raya hay matapos mataw-an it electronic billboard it sangka music streaming service.
Suno sa 27-year-old singer, indi imaw makapati apang eubos ro pagpasaeamat sa nasambitang pagkilaea.
Ko Pebrero eang ro pangaywang beses maging tampok it actress/socialite nga si Heart Evangelista sa parehong billboard, kasunod it anang kaadlawan.
Kung madumduman, dag-ong 2020 kat mapili-an si Julie Ann nga magkanta sa soundtrack it international animation film nga “Over the Moon.”
Boot hambaeon emang kara nga nakapasar sa taste it sangka American streaming service ro anang local version sa awiting “Rocket to the Moon.”
Unang rendisyon it nasambitang kanta hay maghalin sa Fil-Chinese actress nga si Cathy Ang.
