NATIONAL News — Kasunod it owa pagdepensa ni Vice President Sara Duterte sa budget it Office of the Vice President, ginrekomenda it House Committee on Appropriations ro pagbawas it P1.3B sa ginapangayo kara nga P2.037 Billion budget para sa masunod nga dag-on.
Suno kay House Committee on Appropriations Senior Vice Chairman ag Marikina Rep. Stella Quimbo nga ro pagbawas sa budget it OVP ro naging rekomendasyon it komite.
Sa pihak kara, anang ginklaru nga ro budget slash hay nagapabilin nga rekomendasyon it komite ag ro pinal nga desisyon sa pag-apruba it OVP budget hay sa alima eon it House Plenary.
Sa makaron, ro budget deliberations sa mga ahensya it gobyerno hay presente gihapon nga ginapamatian it komite ag sa oras nga matapos raya hay dayun nga igapaidaeum sa plenaryo nga imaw ro pinal nga maga-apruba sa P6.352-trillion 2025 national budget.
