Ginpasiguro ni Bicol Saro Party-list Representative Terry Ridon nga magiging patas ro House Committee on Justice sa pagbuyot it impeachment proceedings kontra kay Vice President Sara Duterte.
Taw-an man nana it kahigayunan ro Bise Presidente nga sabton ro mga akusasyon kontra kana engkasong makitaan it sufficiency in form ag sufficiency in substance ro mga reklamo.
Nakadepende mat-a suno kana sa bise presidente kon magatambong raya sa proceedings.
Sa adlaw it Lunes, Marso 2, pormal eon nga pagaumpisahan ro tatlong adlaw nga preliminary deliberation sa ap-at nga impeachment complaints kontra kay VP Sara, kon sa siin pagatimbangon kon sufficient in form ag sufficient in substance ro mga ginpasaka nga reklamo.
Ginpasiguro mat-a it mamalidha nga igapatuman it Justice Committee ro tanan nga relevant rules sa impeachment kaparehas it ginapairal sa nagtaliwan nga impeachment proceedings kay Pangueong Ferdinand Marcos Jr.
