Ginpapundo ni Justice Secretary Jesus Crispin Remulla ro ginapatigayon nga imbestigasyon it National Bureau of Investigation (NBI) sa Philippine offshore gaming operations ukon Pogo.
Raya hay matapos nga makaabot kanda ro pilang impormasyon nga may natatabo nga mga iregularidad sa nasambit nga aktibidad.
Ginpahayag ni Remulla nga ginmanduan eon nana si NBI officer-in-charge Director Medardo De Lemos nga punduhon eon ro andang mga operasyon angot kara bangud sa bulok nga reputasyong nabilog kontra kanda na may kaangtanan sa “hulidap”.
Pag-amin it sekretaryo, nagakalhit eon ro kriminalidad sa POGO industry kapareho it kidnapping nga ginkaeakipan man it pilang ahente it bureu apang ginlinaw man nana kara nga may pilang kaso it kidnapping nga ginkaeakipan man it mga POGO workers bilang mismong suspek ag biktima.
Dugang pa kara, kung padayunon pa sigon ro operasyon kara hay makabig nga naga-uyang eamang it oras ag panyempo ro mga awtoridad kasunod it pagkaeakip man sa mga iregularidad nga eubusan nga nakaalarma eon rason kung haman it kinahangean eon raya nga matapna.
Samtang, suno pa kay Secretary Remulla nga maga-intra eamang ro NBI sa isyu kung mag-abot eon ro kahigayunan nga kinahangean eon ro andang presensya.
