Uman nga gin-insister ni Department of Justice (DoJ) Secretary Jesus Crispin Remulla nga owa raya nag-intra sa pagkaabsuwelto it onga karang si Juanito Remulla sa possession of illegal drug.
Suno sa sekretaryo it Justice department, nagapati sigon ag nagsalig raya sa proseso it katarungan sa nasyon.
Handom man it sekretaryo sa onga kara nga maka-angkon raya it redemption ag kinamatarong nga imaw hay kabigon nga inosente hasta it owa pa it napapamatud-an ro ana nga conviction sa korte.
Una kara, ginpahayag it Philippine Drug Enforcement Agency (PDEA) nga ginatun-an eon it mga raya kung haman it gin-abswelto it Las Piñas Regional Trial Court si Juanito Jose Remulla III nga panganay nga onga it Justice Secretary.
Ro mga ahente sigon it Philippine Drug Enforcement Agency ro nag-aresto sa bata nga Remulla sa sangka controlled delivery operation sa Talon Dos, Las Piñas City ko Oktubre 11, 2022.
Nadiskubre maghalin sa operasyon ro sangka parcel nga nagasueod it P1.3 milyong haega it ginapatihan nga kush ukon high-grade marijuana.
Sa pihak kara, ginpahayag man it Philippine Drug Enforcement Agency nga eubos ro andang respeto sa naging desisyon it korte apang madahan nandang gina tun-an ro mga rason sa likod it pag-abswelto kay Remulla kadungan it padayon nga pagpaningasog sa pagpatigayon it kapareho nga operasyon kontra sa iligal nga droga
