-- ADVERTISEMENT --
Uman nga ginkansela ni Justin Bieber ro anang world tour concert bangud sa isyu it kaeawasan.
Raya eon ro pangaywang beses nga ginkansela it Canadian singer ro anang concert.
Ko Hunyo hay ginkansela eon man it 28-anyos nga singer ro anang North American tour matapos nga dapuan it Ramsay Hunt Syndrome nga nagtuga sa pagpan-haeok it katunga it anang uyahon.
Matapos ro pilang dominggo hay bumalik raya sa mga concerts shows sa Europa.
Suno kay Justin nga ro anang pagbalik hay pre-mature eamang kung siin matapos ro anang show sa Brazil hay nakabatyag imaw it grabeng pagkahapo.
-- ADVERTISEMENT --
Bangud kara hay napag-isip nana nga dapat taw-an anay it importansya ro anang kaeawasan.
