Personal nga nagbisita ro sikat ag kilaeang K-pop group nga BTS sa White House.
Apang raya hay bukon it bangud sa concert kundi bilang pagpartisipar sa Asian American and Native Hawaiian/Pacific Islander month nga dag-unang ginaselebrar kada buean it Mayo sa Amerika.
Sa andang pag-agto sa White House hay personal man sandang ginsueang ni U.S. President Joe Biden ag gintalakay ro Asian hate crimes nga sambilog sa nagapanguna nga problema sa makaron sa nasyong Amerika.
Mataeopangdan nga pilang beses eon ro sunod-sunod nga nareport may kaagtanan sa kaso it hate crime nga tuga it discrimination nga ro nagapanguna nga biktima hay ro mga may dugong Asyano nga owa malikawan nga maeksperyensyahan it pilang ka mga pomoeuyong Pinoy sa Estados Unidos.
Nagpaabot ma it pagpasaeamat sa BTS si Biden bangud sa ginaduso karang awareness angot sa pagtaas it mga kaso it anti-Asian hate crimes ag discrimination.
Samtang, antes nga makipagpueong sa pangueo it Amerika hay nag-atubang anay sa media ro BTS para pagagamiton nga kahigayunan nga gamiton ro andang boses para mapanawagan sa tanan nga tapnaon eon ro nasambit nga krime.
Nataeopangdan nga mas nagtaas pa ro numero it kaso it nasambit nga krimen matapos nga saea-on ro China it pilang ka mga politiko ag eksperto it Amerika sa pag-umpisa ag pagkalhit it masakit nga COVID-19.
