Kampante si Philippine Ambassador to the US Jose Manuel Romualdez nga magapabilin nga malig-on ro kaangtanan sa tunga it pagitan it Amerika ag Pilipinas sinuman ro mailihir nga Pangueo sa 2024 US Presidential elections.
Suno kana, indi mag-angkon it mabahoe nga pagbag-o sa mga polisiya it Amerika pag-abot sa alyansa kara sa atong nasyon.
Pahayag it PH envoy, nakaistorya nana pareho ro daywang kampo it 2 presidential candidates nga sanday dating US Pres. Donald Trump ag VP Kamala Harris ag ginsiguro nana nga magiging pareho gihapon ro foreign policy it Amerika.
Ginpunto man ni Ambassador Romualdez nga importante para sa Pilipinas ro magiging masunod nga Pangueo it Amerika ag maging ro anang foreign policy.
Pati man sigon sa topiko nga economic ties it PH sa Amerika eabi eun makaron nga mataas ro foreign investments sa atong nasyon.
Pag-abot man isyu it West Philippine Sea, kun dapat baea nga mabaeaka sa magiging stand o posisyon it bag-ong US president, suno kay Amb. Romualdez nga ro US military nga Pentagon ro anang kaistorya pag-abot kara.
Suno pa kana ro WPS hay mutual interest it Amerika ag PH.
Apang ginpamilit it opsiyal nga importante ro kahilwayan sa pag-eayag sa disputed waters nga dapat sigon hay uwa it anuman nga nasyon ro may kontrol bangud trilyong dolyares nga haeaga it mga kalakal ro mga naga-agi sa nasambit nga kaeawran kun siin maaepktuhana ingkaos ro US.
