Kabataan Partylist bukon it pabor nga ibalik ro mandatory ROTC

Bukon it pabor ro Kabataan Partylist nga uman nga ibalik ro mandatory ROTC sa nasyon.

Suno kay Congressman Raul Manuel, Representante it Kabataan Partylist nga hugut sanda nga nagapamaeabag sa nasambit nga proposiyon bangud sa pagkabaeaka nga uman raya nga maabuso.

Gintaw-an it punto ni Manuel ro mga natabo nga pag-abuso it pilang opisyal it ROTC ko mga nagtaliwan nga dag-on.

Bukon man sigon it tama ro ginaturo it mga militar nga nagalibot sa eskwelahan ag campuses.

Masami sigon nga ginaturo it mga raya ro red tagging, dapat magsunod sa mga mataas nga opisyal kamana man nga bawae magkwestiyon.

Mas mayad suno kana nga ibalik ro pagturo it history ag pabaskugon pa ro education system sa nasyon para makabulig sa mga pamatan-on.