KALIBO, Aklan—Nagapati ro kabataan partylist nga minatuod ro panaysayon it daywang ka environmentalist activitist nga ginkidnap ro mga raya it militar ag uwa kanda nagsurender.
Suno kay Crimson Labinghisa, regional chairperson it kabataan partylist nga uwa eon sanda nakibot nga may pangharass nga ginhimo sa daywa nga sanday Jhed Tamano ag Jonila Castro bangud nga mabuhay eon raya nga ginahimo it mga kasoldadohan partikular ro red-tagging.
Samtang, nalipay sanda nga buhi pa ro daywa matapos nga uwa eon ro mga raya nakaibahan it andang pamilya halin kat naduea ko Setyembre 2.
Tuyo eamang it mga aktibista nga iduso ro tawhanong kinamatarong it mga mangingisda bangud nga pangabuhian nanda raya.
Apang, ginataw-an it malisya ag ginapakamaeain it gobyerno.
Samtang sa pihak kara, ginpasiguro ni Defense Secretary Gilberto Teodoro Jr., nga inde nana pagpaeampason kon sin-o man ro una sa likod it drama nga ginaakusahan ro militar nga nagkidnap sa daywang environmentalist.
Diretsahan nana nga ginhambae nga magapasaka sanda it kasong perjury kontra sa daywa ag ginapahaom eon raya it military.
Suno sa opsiyal nga may mga testigo nga magapamatuod nga uwa ginkidnap ro daywang ka environmentalist ag ginabuytan it militar ro mga sworn affidavit it mga raya.
