KALIBO, Aklan–Bukon it pabor ro Kabataan Partylist Panay sa proposisyon nga uman nga pagbalik it mandatory Reserve Officers’ Training Corps (ROTC) sa mga eskwelahan sa nasyon.
Suno kay Crimson Labinghisa, regional coordinator it Kabataan Partylist Panay nga mag-euwas kanda, maabong iba pa ro owa nagasuporta sa mandatory ROTC.
Makabig sigon nga dugang paeas-anon raya sa parehong estudyante ag ginikanan bangud nagapabilin nga mataas ro inflation sa nasyon.
Mag-euwas kara, maabu pa sigon nga kinahang-ean usisaon sa kaundan it programa.
Sambilog eon kara ro eapnaag nga kurapsyon ag pagpang abuso pisikal ag mental sa mga estudyante.
Matueopangdan nga may pila eon nga pamatan-on nga binawian it kabuhi bangud sa gina-alegar nga pagkastigo it ROTC officers.
Bangud kara, dapat sigon siguraduhon it gobyerno nga matuod nga maipatuman ro hugut nga disiplina ag nationalism.
Samtang, ginsuhestiyon man ni Labinghisa nga mas mayad eon lang nga itaeana it gobyerno sa sector it edukasyon ro pondo para sa ROTC agud mas pang mapabakod ro pagtinueon-an sa nasyon.
