KALIBO,Aklan– Kabilugan nga 305 ro delegasyon it Western Visayas sa pre-Palarong Pambansa nga ginapatigayon sa Cebu City.
Suno kay Hernani Escullar Jr., tagapaghambae it Department of Education ukon DepEd region VI nga ro nasambit nga numero hay ginakomponeran it mga athletes, coaches, technical committees and chaperones.
Kapin sa pitong sporting events nga ginakaeakipan it basketball, football, volleyball, futsal, sepak takraw, softball ag baseball ro ginapasakupan it region VI kon sa siin kinahang-ean nga makapwesto sanda sa una kon ikaywang rangko para makasueod sa Palarong Pambansa nga igapatigayon sa Makati City.
Tuyo kara nga mabuhinan ro adlaw it mga hampang kamana man mapasangkiri ro mga delegasyon nga magaadto sa Metro Manila bangud nga dikara gina-select ro best among the best nga magasabak sa Palarong Pambansa.
Waeong rehiyon ro naga-compete sa pre-qualifying events ag handom nanda nga makasueod ro Western Visayas para mamentina ro pagpamayagpag kara sa mga nagkaeain-eain nga sporting events.
Samtang sa pihak nga parte, nakalista it kabilugang 383,117 early registrants learners para sa kinder, grade 1, 7 ag 11 ro DepEd region VI sa ginpatigayon nga early registration.
Suno kay Escullar, sa nasambit nga numero hay 25,384 kara ro halin sa probinsya it Aklan.
Ginpahayag dugang nga nagtaas it 6.25% ro mga ginparehistro nga learners kon ikumpara ko nagtaliwan nga dag-on nga umabot eamang sa 360,571.
Bangud kara, naeampasan nanda ro dating record sa bilog nga rehiyon
