KALIBO,AKlan–Kabilugan nga naging maayos ag madinaeag-on ro ginpatigayon nga early registration it Department of Education ukon DepEd sa district it Malay.
Suno kay DepEd Malay spokesperson Bryan Ray Solano, ginaantisipar eon sigon nanda ro makarundaya nga sitwasyon.
Apang, padayon gihapon ro andang panawagan ag apela sa mga ginikanan eabi eon sa mga uwa nakapasakop sa early registration nga maghueag eon ag iparehistro ro andang mga inonga nga magasueod sa kinder, grade 1, 7 ag 11 para mahuyap sa datos bangud nga raya ro magiging basehan para sa masunod nga school year.
Base sa andang ulihing datos, sa elementarya hay nakalista sanda it 6,760 early registrants.
Samtang, sa ginakabig nga non graded ukon special education hay may una nga 50 learners ag sa incoming junior highschool nga may kabilugang 3,805.
Kamana man sa senior academic hay may 1,867 early registrants, sa TVL hay may 730 ukon kabilugang 2, 597 nga mga incoming nga senior highschool.
