KALIBO, Aklan–Kabilugan nga naging madinaeag-on ro selebrasyon it kapistahan ni San Juan Bautista ko adlaw it Sabado sandig man sa assessment it Philippine Coast Guard ukon PCG Aklan.
Suno kay Senior Chief Petty Officer Dominador Salvino, deputy commander for operation it Coast Guard Station Aklan nga uwa sanda it namonitor nga maeagkuan nga insidente sa kaeawran mag-eowas eon lang sa natabo sa baybayon nga sakop it banwa it Numancia ag ro drowning incident sa banwa it New Washington.
Ginpahayag dugang ni Salvino nga naging maayos ag madinaeag-on ro mga aktibidad nga ginpatigayon sa mga coastal areas.
Sa pihak kara, padayon ro padumdom it PCG Aklan nga maging dahan sa pag-eayag sa mga kaeawran ag maging responsableng indibidwal eabi eon kon may mga eskursyon agud nga malikawan ro disgrasya.
