National News ———Nakalista it dugang nga 119 kaso it Delta variant it COVID-19 sa Pilipinas, suno sa Department of Health (DOH).
Sa nasambitang numero , tatlo hay local cases ag 20 rp returning overseas Filipinos (ROF).
Ro an-om mang iba pa hay ginaberipika pa it mga awtoridad kung local ukon ROF cases.
Sa bag-ong local cases, 18 ro nailista sa NCR, 14 sa Calabarzon, 18 sa Central Luzon, 31 sa Western Visayas, waeo sa Northern Mindanao, ag tig- sambilog sa Central Visayas, Eastern Samar, Zamboanga Peninsula, ag CAR.
Base sa datos nga ginpaguwa it DOH, UP-PGC ag UP-NIH, nag-abot eun sa 450 ro kabilugang numero it na-detect nga Delta variant cases sa nasyon.
Mag-euwas kara may na-detect man nga 125 Alpha cases, 94 Beta cases, ag 11 P.3 variant cases.
Sa makarun kapin eun sa 10,473 samples ro nag-agi sa genome sequencing.
Padayun man nga gina-engganyo it DOH ro publiko nga hugot nga sundon ro health protocols kontra sa makataeapon nga sakit.
