Nagaabot eon sa kabilugang P35,104,765 ro partial nga danyos sa sektor it agrikultura nga gin-aywanan it Bagyong Paeng.
Ginpahayag ni Provincial Assistant Agriculturist Apolonio Alexis it Office of the Provincial Agriculture nga sa nasambit nga kantidad, P9,031,744 ro halit sa kaeanasan; P6,418,180 ro sa mga pananom nga tinuean-on ag iba pang crops; P2,946,986 ro sa taeamnan it mais ag P16,707,855 ro sa fisheries.
Mag-eowas kara, kapin sa 2,711 ro mga apektadong mangunguma ag mangingisda sa bilog nga probinsya it Aklan kon siin kaeabanan sa mga raya hay maghalin sa mga badly hitted nga mga kabanwahanan kaparehas it Libacao, Madalag, Balete ag iba pa.
Ginpahayag dugang ni Alexis nga magadugang pa ro andang datos it damage bangud nga may mga apektado pang mangunguma sa upland areas nga uwa pa nakapasa it andang reports.
May mga kasapatan sigon nga nagkaeamatay bangud nga uwa nasalbar sa pagragasa it mabaskog nga tubi-baha.
Ro Office of the Agriculture suno kay Alexis hay naga-usoy eon it intervention para mabuligan ro mga apektadong mangunguma ag mangingisda.
Prayoridad nanda makaron nga mataw-an it assistance ro eubus nga apektado it nasambit nga pagbaha.
