Ginpatigayon ro Bicameral conference committee meeting it House of Representatives ag Senado may kaangtanan sa proposed P5.268 trillion pesos sa national budget para sa fiscal year 2023.
Nagpueong ro House ag Senate contingent nga nagatuyo nga i-harmonize ro mga disagreeing provisions it daywang chambers sa andang mga version sa General Appropriations Bill (GAB).
Nauna eon nga gin aprubahan it Kamara ro andang version it GAB ko Setyembre 30, 2022 samtang ro Senado hay gin-aprubahan man ro andang version ko Nobyembre 23.
Kada nagapaidaeum sa pagbusisi ro atong national budget, owa it ibang handum ro pumueuyu kundi nga mataeana raya sa rasonabli ag nagakabagay nga gaeastuson.
Nasayuran naton kon ano ka grabe ro sitwasyon tuga it pandemya nga gindunganan it kalamidad ag krisis.
Kada sentimo nga naghalin sa kaban it nasyon hay importante.
Indi pag-uyangan ag mas nga indi pagtakawon.
Tiempo eon agud ngamas nga pabaskugon ro transparency sa pondo it nasyon.
Kabay nga may maobra nga pamaagi ro gobyerno agud nga mas pang madaling makita ag maintindihan it publiko kun ano ro paga-gastusan it kaban it nasyon.
