Nag-abot sa masobra P50 milyon ro kabilugan nga kita it Kadiwa ng Pangulo sa Western Visayas halin Enero hasta Mayo 2026.
Nakabulig ro programa sa 120 mangunguma ag mangingisda nga direktang mabaligya ro andang mga produkto sa mga bumaeakae.
Sa paagi it programa, napa-tag’od ro farm-to-market chain kaya mas mataas ro posibleng kitaon it mga lokal nga producer samtang nagapabilin nga masarangan sa buesa ro presyo it sariwa ag masustansiyang pagkaon para sa mga bumaeakae.
Kaibahan sa mga institusyong nakapanipueos sa programa ro Philippine National Police, Bureau of Fire Protection ag mga state universities and colleges. Tuyo it Kadiwa nga paeawigon ro merkado para sa mga lokal nga produkto sa rehiyon.
Samtang, ro regular nga Kadiwa activities halin Pebrero hasta Mayo hay nakalista it P993,884 nga kita ag naka-panerbisyo sa 2,454 kabaeayan.
Ro mga aktibidad nga ginpatigayon kaibahan ro Department of Labor and Employment ukon DOLE hay nakakolekta man it P1.84 milyon, nga ginakaimbolbaran it 69 producer ag nakapanipueos ro 3,357 pamilya.
