Ginpasalig it Malacañang ro kaeuwasan ni dating Ako Bicol Party-list Rep Zaldy Co sa anang pagbalik sa Pilipinas agud atubangon ro kaso may kaangtanan sa gina-alegar nga flood control scandal.
Raya hay kasunod it naging pahayag ni Sen. JV Ejercito nga mabahoe nga hangkat ro seguridad ni Co bangud may mga grupo nga nagahambae nga gusto eon nga mag-uli ag magtestigo ni Co sa kontrobersyal nga flood control projects.
Suno kay Palace Press Officer Claire Castro, responsibilidad it gobyerno nga siguraduhon ro kaeuwasan it sin-o man nga Pilipino nga magabalik sa nasyon, apang dapat anay nga ma-verify ro gina-alegar nga mga pagpamaeag sa kamatayon kontra kay Co.
Nauna eon nga ginpasalig ni Presidente Ferdinand Marcos Jr. nga ginahimo it gobyerno ro tanan nga legal ag kinahangeanon nga tikang agud mapabalik si Co sa nasyon.
Suno sa presidente, may igapadaea man nga high-level coordination team agud tutukan ro kaso ag mapadasig ro proseso it anang pag-uli.
