KALIBO, Aklan—Naging satisfied ro Kalibo Ati-Atihan Festival Board ukon KAFEB sa paghueag it nagkaeain-eain nga komitiba sa pagpanguna ni Kalibo mayor Juris Sucro sa nagtaliwan nga selebrasyon it Kalibo Sr. Sto. Niño Ati-Atihan Festival 2024.
Suno kay Mark Sy, tagapaghambae ni Kalibo mayor Sucro nga naging madinaeag-on ro kakatapos eamang nga selebrasyon nga gintambungan it libo-libong katawo sa sueod it sang dominggo nga pagpatigayon it mga aktibidad.
Naging organize ag synchronize ro nagkaeain-eain nga mga aktibidad nga nagpasadya sa mga dumueoong, turista, bakasyunista ag maging sa mga lokal nga turista agud nga saksihan ro makolor ag masadya nga dag-unang event nga ginakabig man nga Mother of All Philippine Festivals.
Angot kara, ginpasaeamatan ni Mark Sy ro tanan nga una sa likod it kadaeag-an it weeklong celebration kon sa siin ginpromisa nanda nga pagapasanyugon pa gid ro mga ginapatigayon nga event para sa inde malipatan nga eksperyensya.
Sa pihak kara, ginakabig nga isolated case ro natabo sa tunga it mga bandang Lagalag ag Bayangan Village kon sa siin nag-eoeopad ro andang mga instrumento kasunod it nag-eontad nga rambol sa tunga it mga raya nga nagresulta man sa pagpasaka it kaso sa daywang ka mga indibidwal nga ko ulihi hay gilayon man nga nakapyansa.
Ro dag-unan nga Kalibo Ati-Atihan Festival hay ginakaeangkagan it kaabuan ag ginabantayan eabi eon it mga mga balikbayan.
