KALIBO, Aklan — Naga pangatubang sa makaron sa kasong pag eabag sa Republic Act 9165 ukon Comprehensive Dangerous Drugs Act of 2002ro sangka kagawad it barangay nga naaresto sa gin patigayungbuy-bust operation sa Barangay Caticlan, Malay, Aklan.
Nakakulong makaron sa selda it Kalibo Police Station ro suspek nga gina kabig man nga high value target nga si Kagawad Cielo Barrientos Tolosa, 35, residente it nasambitang barangay.
Nadakpan si Tolosa maeapit sa andang baeay kun siin bakumpiska it mga otoridad ro daywang sachet it gina dudahang shabu nga may street value nga P6,800 ag P500 nga buy-bust money.
Samtang, todo pamalibad man ro suspek nga naga baligya it droga.
Samtang pauli sigon maghalin sa tindahan hay gin harang imaw it puting saeakyan, sinampok it baril ag pilit nga gin pasueod it mga otoridad sa andang baeay.
Gin tanum eamang sigon ro shabu nga nabo-oe kana bangud owa man imaw gin paidaeum sa body search.
Owa sigon imaw it bad record sa barangay eabi eon sa droga ag owa man na-tokhang.
Apang, suno kay Agent Gerald Sanguenza it PDEA-6, haeos daywang buean nandang gin subaybayan ro suspek bago gin kasa ro operasyon.
Gina imbestigahan eonman sa makaron it kapulisan kun siin naghalin ro supply t droga nga gina baligya sigon it kagawad.
