Kahalitan sa sektor it imprastruktura bangud sa bagyong Agaton, naga-abot eon sa P1.45-B – DPWH

Naga-abot eon sa P1.45 billion ro haega it kahalitan sa imprastruktura bangud sa bagyong Agaton.

Suno sa Department of Public Works and Highways (DPWH) Bureau of Maintenance, ginreport ni Secretary Roger Mercado nga sa Eastern Visayas pa eamang hay bumunae eon sa P1.3 billion ro inisyal nga haega it mga nasamad sa sektor it imprastruktura kapareho it mga karsada ag tulay.

Masobra P6.06 million man ro nasamad sa national roads sa Soccksargen samtang P145.4 million ro naging kahalitan sa mga karsada ag tulay sa CARAGA.

Suno sa DPWH official, ginaeauman nga uman nga mabuksan ro mga nabilin nga mga karsada nga indi pa maagyan antes matapos ro buean it Abril.