KALIBO, Aklan—Nagatuhaw nga ro kaso it pagpatay sa 29-anyos nga ina ag anang daywang menor de edad nga unga sa hambil, romblon hay bangud sa kahisa ag pagnanasa.
Raya hay matapos nga magtuhaw ro star witness sa krimen nga si alyas Jan-jan, manak it suspek nga si Patrick Cahilig.
Suno kay barangay kagawad chilo tolosa it caticlan , malay ag igkampod it biktima nga si Welyn Mendoza Tabuna, mag-eowas kara, ginapatihan nga nagtanum man it kaakig ro suspek matapos nga pahalinon sa trabaho bilang panday matapos nga maubusan it budget para sa anang ginapatindog nga baeay.
Sa makaron hay ginatumod pa sigon it mga otoridad kon na-rape ro biktimang si Welyn.
Nasayuran nga si Patrick hay live-in partner it andang tiya nga si Floramie Seraspi.
Madumduman nga ko Enero 26 it aga-aga kat ginapatihan nga natabu ro pagmasaker sa ina ag daywang unga kara nga naga-edad it 9 ag 7 dag-on sa sueod it andang kwarto sa Upper Hinulugan, San Jose sa Carabao island ukon Hambil, Romblon.
Ginasugid nga narekober sa baeay it suspek ro haboe nga puno it dugo nga ginturn-over man it anang live-in partner.
May mga bakas man it dugo halin sa baeay it biktima paagto sa baeay it suspek.
Sa kustodiya makaron it San Jose Municipal Police Station ro Patrick ag posibleng magapangatubang sa kasong murder.
